पोखरा । निजी भ्रमणका क्रममा मुस्ताङतर्फ निस्किएका प्रधानमन्त्री वालेन्द्र शाह (बालेन) शुक्रबार दिउँसो पोखरा आइपुगेका छन्।

प्रधानमन्त्री शाह निजी गाडीमार्फत पोखरा पुगेका हुन्। उनी शुक्रबार राति पोखरानजिकै माछापुच्छ्रे गाउँपालिका–धितालस्थित अस्ताम गाउँको अन्नपूर्ण इको भिलेज रिसोर्टमा बस्ने कार्यक्रम रहेको जानकारी प्राप्त भएको छ।

प्रधानमन्त्रीको पोखरा आगमनसँगै रिसोर्ट तथा आसपासको क्षेत्रमा सुरक्षा व्यवस्था कडा पारिएको छ।

रिसोर्ट क्षेत्रमा उच्च सतर्कता

प्रधानमन्त्री शाहको बसाइलाई ध्यानमा राख्दै अन्नपूर्ण इको भिलेज रिसोर्ट र आसपासका क्षेत्रमा सुरक्षा सतर्कता बढाइएको छ। सुरक्षा व्यवस्थापनका लागि थप सुरक्षाकर्मी परिचालन गरिएको बताइएको छ।

प्रधानमन्त्री शाहको निजी भ्रमणअन्तर्गत पोखराबाट मुस्ताङ जाने कार्यक्रम रहेको भए पनि उनको विस्तृत भ्रमण तालिका भने सार्वजनिक गरिएको छैन।

Originally published on abcnews.com.np.