पोखरा । प्रधानमन्त्री वालेन्द्र शाह (बालेन) शुक्रबार अपराह्न पारिवारिक भ्रमणका क्रममा पोखरा पुगेका छन्।

प्रधानमन्त्री शाह कास्कीको माछापुच्छ्रे गाउँपालिका–६, अस्तामस्थित अन्नपूर्ण इकोभिलेज रिसोर्टमा बस्नेछन्। उनी परिवारका सदस्यसहित काठमाडौंँबाट सडकमार्ग हुँदै पोखरा पुगेका हुन्।

कास्कीका सहायक प्रमुख जिल्ला अधिकारी चित्राङ्गत बरालका अनुसार प्रधानमन्त्रीको भ्रमण पूर्णतः पारिवारिक रहेको छ। उनका लागि जिल्लाको सुरक्षा व्यवस्था चुस्त पारिएको उनले जानकारी दिए।

“प्रधानमन्त्री नितान्त पारिवारिक भ्रमणमा आउनुभएको हो। उहाँको भ्रमणलाई लक्ष्य गरी जिल्लाको सुरक्षा व्यवस्था चुस्त पारिएको छ,” बरालले भने, “प्रधानमन्त्रीको अन्य कुनै औपचारिक कार्यक्रम छैन।”

अस्तामका पर्यटन व्यवसायी नन्दलाल अधिकारीले प्रधानमन्त्रीको भ्रमणले यस क्षेत्रको पर्यटन प्रवर्द्धनमा सकारात्मक प्रभाव पार्ने बताए।

शनिबार मुस्ताङ जाने

प्रधानमन्त्री शाह शुक्रबार अन्नपूर्ण इकोभिलेज रिसोर्टमै बस्नेछन्। शनिबार भने उनी मुस्ताङतर्फ जाने कार्यक्रम रहेको जनाइएको छ।

प्रधानमन्त्रीले पारिवारिक भ्रमणका लागि अस्तामस्थित रिसोर्ट रोजेपछि स्थानीय पर्यटन व्यवसायीले यसलाई क्षेत्रको पर्यटन प्रवर्द्धनका लागि सकारात्मक सन्देशका रूपमा लिएका छन्।

Originally published on abcnews.com.np.