मन्त्रिपरिषद्को गत असार २० गते बसेको बैठकले विकास अर्थशास्त्री उक्याबलाई आगामी चार वर्षका लागि लगानी बोर्डको सीईओ नियुक्त गर्ने निर्णय गरेको थियो। तर, नियुक्तिसम्बन्धी आधिकारिक पत्र बोर्डमा नपुगेका कारण पदभार ग्रहणको प्रक्रिया अघि बढ्न नसकेको हो।

लगानी बोर्डकी प्रवक्ता सुनिता नेपालका अनुसार सरकारबाट सीईओ नियुक्तिसम्बन्धी आधिकारिक पत्र अहिलेसम्म प्राप्त भएको छैन।

सीईओले कहिलेदेखि काम सुरु गर्नुहुन्छ भन्ने प्रश्नमा उनले भनिन्, ‘सरकारले लगानी बोर्डको सीईओ नियुक्त गरेको आधिकारिक पत्र नै अहिलेसम्म पठाएको छैन, त्यसैले पदभार ग्रहणको प्रक्रिया अघि बढ्न सकेको छैन।’

स्रोतका अनुसार उक्याबले आउँदो सोमबार लगानी बोर्ड पुगेर पदभार ग्रहण गर्ने तयारी गरेकी छन्।

सरकारले नियुक्तिको निर्णय गरेको दुई साताभन्दा बढी समय बितिसक्दा पनि नियुक्ति पत्र नपुगेपछि लगानी बोर्डको नेतृत्व परिवर्तन प्रक्रिया नै रोकिएको हो।