डीडीसीले दुबईमा रहेका नेपालीलाई लक्षित गर्दै शुक्रबारदेखि घ्यू निर्यात सुरु गरेको हो। पहिलो चरणमा ६ सय किलो घ्यू जहाजमार्फत दुबई पठाइएको छ।

दुबईमा घ्यू निर्यातका लागि डीडीसीले रातो र चन्द्र–सूर्य इन्टरनेसनलसँग सम्झौता गरेको छ। दुबईमा रहेका बिक्रेताले सुरुमा परीक्षणका रूपमा घ्यू बिक्री गर्ने र मागअनुसार थप परिमाणमा निर्यात गरिने डीडीसीका प्रबन्ध निर्देशक प्रकाशचन्द्र घिमिरेले बताए।

‘सुरूमा लगेर त्यहाँ रहेका बिक्रेतालाई एक–एक कार्टुन दिन्छौँ। त्यसपछि अझै राम्रो परिमाणमा माग गर्छौं,’ उनले भने।

नेपाली उत्पादनको प्रचार र बजार परीक्षणका लागि पहिलो चरणमा घ्यू हवाईमार्गबाट पठाइएको हो। आगामी दिनमा भारत हुँदै कन्टेनरमार्फत घ्यू निर्यात गर्ने तयारी डीडीसीले गरेको छ।

डीडीसीले दुबईबाहेक मध्यपूर्वका अन्य मुलुकमा समेत घ्यूलगायत आफ्ना अन्य दुग्धजन्य उत्पादन निर्यात तथा बिक्री विस्तार गर्ने तयारी गरेको जनाएको छ।