काठमाडौं । सिनेमा आर्टले नयाँ चलचित्र निर्माणको घोषणा गरेको छ । अनटाइटल प्रोजेक्टमा अभिनेता अनमोल केसी र अभिनेत्री जसिता गुरुङ मुख्य भूमिकाका लागि अनुबन्धित भएका छन् ।
चलचित्रको निर्देशन सुयोग गुरुङले गर्नेछन् भने निर्माणको जिम्मेवारी रौनक विक्रम कँडेलले सम्हाल्नेछन् ।
निर्माता कँडेलका अनुसार चलचित्रका लागि निर्देशक गुरुङसहित अनमोल र जसितासँग सम्झौता भइसकेको छ । चलचित्रको अन्य कलाकार तथा कथावस्तुबारे भने थप जानकारी सार्वजनिक गरिएको छैन ।
चलचित्रको छायांकन आगामी मंसिरदेखि सुरु गर्ने तयारी रहेको निर्माण पक्षले जनाएको छ ।
Originally published on abcnews.com.np.
प्रतिक्रिया दिनुहोस्