काठमाडौं । पूर्वबडामहारानी रत्न राज्यलक्ष्मी शाह स्वास्थ्यमा समस्या देखिएपछि थापाथलीस्थित नर्भिक इन्टरनेसनल अस्पतालमा भर्ना हुनुभएको छ।

९८ वर्षीया शाहलाई आइतबार स्वास्थ्यमा समस्या देखिएपछि अस्पताल भर्ना गरिएको हो।

नर्भिक अस्पतालका सूचना अधिकारी विमल बोगटीका अनुसार उहाँलाई फ्लुका कारण अस्पताल ल्याइएको हो। हाल उहाँको स्वास्थ्य अवस्था सामान्य र स्थिर रहेको अस्पतालले जनाएको छ।

“उहाँलाई फ्लु भएको कारण अस्पताल ल्याइएको हो। अहिले स्वास्थ्य अवस्था सामान्य नै रहेको छ,” बोगटीले जानकारी दिनुभयो।

उमेरका कारण देखिन सक्ने स्वास्थ्य जटिलतालाई समेत ध्यानमा राख्दै उहाँलाई चिकित्सकहरूको निगरानीमा राखेर उपचार तथा आवश्यक स्वास्थ्य सेवा प्रदान भइरहेको अस्पतालले जनाएको छ।

स्वास्थ्य अवस्था स्थिर

अस्पतालका अनुसार पूर्वबडामहारानी शाहको स्वास्थ्य अवस्था हाल स्थिर रहेको छ र आवश्यक उपचार जारी छ। उहाँको स्वास्थ्य अवस्थालाई निरन्तर निगरानीमा राखिएको अस्पतालले जनाएको छ।

Originally published on abcnews.com.np.