काठमाडौं । चलचित्र ‘माया भनेकै यस्तो होला’को तीज गीत ‘नक्कल पारी’ सार्वजनिक भएको छ।

शान्तीश्री परियार र प्रशान्त शिवाकोटीको स्वर रहेको गीतमा संगीत पनि शिवाकोटीकै छ। गीतका शब्द सुष्मा सिग्देलले लेखेकी हुन्।

‘नक्कल पारी’ले पछिल्लो समय तीज पर्व संस्कृति र परम्पराभन्दा देखावटीतर्फ उन्मुख हुँदै गएको विषयलाई प्रस्तुत गरेको छ। विशेषगरी पहिरन र गहनामा अरूको देखासिकी गर्ने प्रवृत्तिमाथि गीतमार्फत व्यंग्य गरिएको छ।

गीतको भिडियोमा पूर्वमिस नेपाल सृष्टि श्रेष्ठ, नम्रता श्रेष्ठ, पूर्वमिस नेपाल इन्टरनेसनल नीति शाह र दिल श्रेष्ठले अभिनय तथा नृत्य गरेका छन्।

रेखा थापाको निर्देशन रहेको चलचित्रमा मदनकृष्ण श्रेष्ठ, दिल श्रेष्ठ, सृष्टि श्रेष्ठ, नम्रता श्रेष्ठ र नीति शाह मुख्य भूमिकामा छन्।

ध्रुव लम्सालको पटकथा रहेको चलचित्र भदौ २६ गतेदेखि प्रदर्शनमा आउने भएको छ। चलचित्रको छायांकन सुदीप बरालले गरेका छन्।

Originally published on abcnews.com.np.