काठमाडौं । सप्तरीमा दुई वर्षीया बालिकाको हत्या गरेको आरोपमा प्रहरीले एक महिलालाई पक्राउ गरेको छ। पक्राउ पर्नेमा बालिकाकी कान्छी आमा रहेको प्रहरीले जनाएको छ।
जिल्ला प्रहरी कार्यालय सप्तरीका डीएसपी तथा सूचना अधिकारी हेमराज घिमिरेका अनुसार भदौ ७ गते शम्भुनाथ नगरपालिका–२ घर भई सोही नगरपालिका–३ बस्दै आएकी रुबिना खातुनकी दुई वर्षीया छोरीको मृत्यु भएको थियो।
घटनाबारे अनुसन्धानका क्रममा सोधपुछ गर्दा बालिकाकी कान्छी आमाले हत्या गरेको स्वीकार गरेको डीएसपी घिमिरेले जानकारी दिए।
प्रहरीले अन्दाजी २५ वर्षीया मुस्कान भनिने जास्मिन खातुनलाई पक्राउ गरेको छ। उनलाई जिल्ला अदालतबाट पाँच दिनको म्याद थप गरी थप अनुसन्धान भइरहेको जिल्ला प्रहरी कार्यालय सप्तरीले जनाएको छ।
Originally published on abcnews.com.np.
प्रतिक्रिया दिनुहोस्