काठमाडौं । अभिनेता यश अभिनीत भारतीय फिल्म ‘टक्सिक : अ फेयरीटेल फर ग्रोन–अप्स’ नेपालमा प्रदर्शनमा आएको छ। फिल्म आक्रामक शोसहित नेपाली हलमा रिलिज भएको हो।

गीतु मोहनदासको निर्देशनमा बनेको यो ग्याङस्टर–एक्सन थ्रिलरमा यश दोहोरो भूमिकामा देखिएका छन्। उनले फिल्ममा बुवा र छोराको भूमिका निर्वाह गरेका छन्। फिल्मलाई १६ वर्षमाथिका दर्शकले मात्र हेर्न पाउनेछन्।

फिल्ममा यशसँगै कियारा आडवाणी, नयनतारा, हुमा कुरैशी, तारा सुतारिया र रुक्मिणी वसन्त मुख्य भूमिकामा छन्। फिल्मको कथा यश र गीतु मोहनदासले संयुक्त रूपमा लेखेका हुन्।

‘केजीएफ २’पछि यशको नयाँ फिल्म भएकाले ‘टक्सिक’लाई बहुप्रतीक्षित चलचित्रका रूपमा हेरिएको छ। सन् १९४० देखि १९७० को दशकसम्मको समयरेखामा गोवामा सेट गरिएको फिल्मले गोवाको जीवन्त सांस्कृतिक परिवेशको पछाडि लुकेको शक्तिशाली लागुऔषध कार्टेलको कथा प्रस्तुत गर्छ।

एक्सन, अपराध र ग्याङस्टर संसारलाई केन्द्रमा राखिएको फिल्मले यशको नयाँ अवतारलाई प्रस्तुत गर्ने अपेक्षा गरिएको छ।

Originally published on abcnews.com.np.