काठमाडौं । प्रधानमन्त्री बालेन्द्र शाहलाई भारतीय प्रधानमन्त्री नरेन्द्र मोदीले टेलिफोन सम्पर्क गरी रसुवाको भोटेकोशीमा आएको बाढीबाट भएको जनधनको क्षतिप्रति चासो र चिन्ता व्यक्त गरेका छन्।

प्रधानमन्त्रीका प्रेस संयोजक सुरेन्द्र बजगाईंका अनुसार फोनवार्तामा मोदीले विपद्को यस घडीमा नेपाललाई आवश्यक सहयोग गर्न भारत तयार रहेको प्रतिबद्धता जनाएका छन्।

मोदीले केहीबेरअघि सामाजिक सञ्जालमार्फत पनि बाढीबाट नेपालमा भएको जनधनको क्षतिप्रति दुःख व्यक्त गरेका थिए। उनले कठिन समयमा भारतका जनता नेपाली दाजुभाइ तथा दिदीबहिनीहरूसँग ऐक्यबद्ध भएर उभिएको बताएका छन्।

भारतले नेपाललाई सम्भव सबै प्रकारको मानवीय सहायता उपलब्ध गराउन तयार रहेको मोदीले उल्लेख गरेका छन्।

उद्धार तथा राहत कार्यका लागि भारतीय टोलीले नेपाली पक्षसँग नजिकबाट समन्वय गरिरहेको समेत मोदीले बताएका छन्।

Originally published on abcnews.com.np.