काठमाडौं । नेपाली बजारमा आज सुनचाँदीको मूल्यमा ठूलो गिरावट आएको छ। नेपाल सुनचाँदी व्यवसायी महासंघका अनुसार सुनको मूल्य आज तोलामा ९ हजार ५ सय रुपैयाँ घटेर ३ लाख ९ हजार रुपैयाँ कायम भएको छ। यसअघि गएको शुक्रबार सुनको मूल्य तोलामा २ हजार ४ सय रुपैयाँ तथा बिहीबार १ हजार २ सय रुपैयाँले घटेको थियो। शुक्रबार सुनको भाउ ३ लाख १८ हजार ५ सय रुपैयाँ थियो।त्यस्तै, चाँदीको मूल्य पनि आज तोलामा १ सय ८५ रुपैयाँ घटेर ४ हजार ७ सय ८० रुपैयाँ कायम भएको महासंघले जनाएको छ। गएको शुक्रबार चाँदीको मूल्य तोलाको ४ हजार ९ सय ६५ रुपैयाँ थियो।यसअघि माघ १५ गते सुनको मूल्य तोलामा २० हजार ५ सय रुपैयाँले बढेर ३ लाख ३९ हजार ३ सय रुपैयाँ पुगेको थियो। यो नेपाली बजारमा सुनको हालसम्मकै उच्च मूल्य हो। त्यस्तै, माघ १५ गते चाँदीको मूल्य पनि ७ हजार ५ सय ५ रुपैयाँ पुगेको थियो, जुन नेपाली बजारमा हालसम्मकै उच्च मूल्य हो। माघ १८ गते चाँदीको मूल्यमा तोलामा १ हजार ५ सय ६५ रुपैयाँको गिरावट आएको थियो, जुन हालसम्मकै ठूलो एकदिने गिरावट मानिएको छ।

Originally published on abcnews.com.np.