काठमाडौं । रसुवाको टिमुरेमा कार्यरत भन्सार अधिकृत नकुल शर्माको शव गोरखामा फेला परेको छ । भोटेकोशी नदीमा आएको भीषण बाढीपछि सम्पर्कविहीन भएका शर्माको शव त्रिशूली नदीको गोरखातर्फको किनारमा फेला परेको गोरखाका प्रमुख जिल्ला अधिकारी तुलसीबहादुर श्रेष्ठले जानकारी दिएका छन् ।
हुम्लाको ताजाकोट गाउँपालिका–२ का बासिन्दा शर्मा बाढी आएपछि सम्पर्कविहीन भएका थिए । त्रिशूली नदी किनारमा फेला परेको उनको शवको आवश्यक पहिचान तथा पोस्टमार्टम प्रक्रिया पूरा गरिएको थियो । त्यसपछि परिवारजनले शव बुझेर लगेका छन् ।
भोटेकोशी नदीमा आएको बाढीबाट ठूलो जनधनको क्षति भएपछि रसुवाको टिमुरे क्षेत्रमा कार्यरत तथा सम्पर्कविहीन व्यक्तिहरूको खोजी तथा उद्धार कार्य अझै जारी रहेको छ ।
Originally published on abcnews.com.np.
प्रतिक्रिया दिनुहोस्