काठमाडौं । रसुवास्थित त्रिशूली–३ ‘ए’ जलविद्युत् आयोजनाको सुरुङभित्र फसेकाहरूको खोज तथा उद्धारका लागि खटिएको नेपाली सेना र सशस्त्र प्रहरीको टोली करिब १० मिटरभित्र प्रवेश गर्न सफल भएको छ।
इन्जिनियर श्रीराम न्यौपानेका अनुसार उद्धार टोलीले सुरुङभित्र रहेका अवरोध हटाउँदै अगाडि बढिरहेको छ। एक्स्काभेटरको सहायताले ब्लास्टिङबाट फुटाइएका ढुंगा तथा अन्य भग्नावशेष पन्छाउने काम भइरहेको छ।
निरन्तरको प्रयासपछि उद्धार टोली अहिले सुरुङको भुइँ तहको नजिक पुगिसकेको बताइएको छ।
सुरुङभित्रको अवस्था जटिल रहेकाले अवरोध हटाउँदै सावधानीपूर्वक उद्धार टोलीलाई अगाडि बढाउने काम भइरहेको छ। उद्धारका लागि सुरक्षाकर्मी तथा प्राविधिक टोलीले आवश्यक उपकरणसहित काम गरिरहेको जनाइएको छ।
Originally published on abcnews.com.np.
प्रतिक्रिया दिनुहोस्