काठमाडौं । बिहीबार तोलामा ७ हजार रुपैयाँले बढेको सुनको भाउ शुक्रबार पनि उकालो लागेको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा २ हजार ५ सय रुपैयाँ बढेर ३ लाख ७ हजार ४ सय रुपैयाँ पुगेको छ।

पाँच दिनमा तोलामा २४ हजार ८ सय रुपैयाँ घटेको सुनको मूल्य बिहीबारदेखि पुनः बढ्न थालेको हो।

बिहीबार सुनको भाउ तोलामा ७ हजार रुपैयाँ बढेर ३ लाख ४ हजार ९ सय रुपैयाँ कायम भएको थियो। त्यसअघि बुधबार ८ हजार ८ सय, मंगलबार ५ सय, सोमबार २ हजार ४ सय र आइतबार ९ हजार ५ सय रुपैयाँले सुनको मूल्य घटेको थियो।

गत साताको शुक्रबार पनि सुनको भाउ तोलामा २ हजार ४ सय र बिहीबार १ हजार २ सय रुपैयाँले घटेको थियो।

चाँदी पनि बढ्यो

शुक्रबार चाँदीको मूल्य पनि बढेको छ। महासंघका अनुसार चाँदी तोलामा ४० रुपैयाँ बढेर ४ हजार ७ सय ६५ रुपैयाँ पुगेको छ।

बिहीबार चाँदीको मूल्य तोलामा १ सय ४५ रुपैयाँ बढेर ४ हजार ७ सय २५ रुपैयाँ पुगेको थियो।

सुनको हालसम्मकै उच्च मूल्य ३ लाख ३९ हजार ३ सय

नेपाली बजारमा सुनको हालसम्मकै उच्च मूल्य ३ लाख ३९ हजार ३ सय रुपैयाँ हो। गएको माघ १५ गते सुनको भाउ तोलामा २० हजार ५ सय रुपैयाँ बढ्दै उक्त मूल्यमा पुगेको थियो।

त्यस्तै, चाँदीको हालसम्मकै उच्च मूल्य तोलाको ७ हजार ५ सय ५ रुपैयाँ हो। माघ १५ गते चाँदी उक्त मूल्यमा पुगेको थियो।

चाँदीको मूल्यमा हालसम्मकै ठूलो एकदिने गिरावट भने माघ १८ गते देखिएको थियो, जब यसको मूल्य तोलामा १ हजार ५ सय ६५ रुपैयाँले घटेकोथियो।

Originally published on abcnews.com.np.