उदयपुर, ३ जेठ । सिद्धिचरण लोकर्मागको उदयपुरको कटारी नगरपालिका – ११ ठाटीमा आज मध्यान्न टिपर दुर्घटना हुदाँ सहचालकको मृत्यु भएको छ ।

कटारी बाजारबाट सोलु हाईड्रोको सिमेन्ट बोकेर सोलुखुम्वु जादै गरेको ना ७ ख ६७०६ नम्वरको टिपर दुर्घटना हुदाँ सिन्धुलीको दुधौली नगरपालिका – २ बस्ने सहचालक १८ बर्षीय इन्द्रबहादुर सार्कीको मृत्यु भएको हो ।

दुर्घटनामा परि चालक ३५ बर्षीय शेरबहादुर खत्री गम्भीर घाइते भएको जिल्ला प्रहरी कार्यालय उदयपुरका सुचना अधिकृत प्रहरी निरिक्षक मनप्रसाद श्रेष्ठले बताए । घाइते चालक खत्रीको कटारी जिल्ला अस्पतालमा उपचार हुन नसकेपछि थप उपचारको लागि विराटनगर लग्ने तयारी भईरहेको प्रहरी निरिक्षक श्रेष्ठले बताए ।

टिपर सडकबाट झण्डै ५ मिटर तल खसेको चालकको उपचारमा सलग्न यातायात व्यावसायी शत्रुधन कार्कीले बताए । दुर्घटनाको कारण खुल्न सकेको छैन । इलाक प्रहरी कार्यालय कटारीबाट करिव २३ किलोमिटरको दुरीमा रहेको घटनास्थलमा तर्फ प्रहरी गएकोले फर्किएपछि मात्रै दुर्घटनाको कारण पत्ता लाग्ने प्रहरी निरिक्षक श्रेष्ठले बताए ।