काठमाडौं, १७ जेठ । प्रमुख सत्तारुढ नेपाल कम्युनिष्ट पार्टीका सांसद टेकबहादुर बस्नेतले बजेटले सहिद परिवारलाई वेवास्ता गरेको भन्दै आपत्ती जनाउनुभएको छ ।

प्रतिनिधीसभाको बिहीबारको बैठकमा बजेटको छलफलमा भाग लिदै उहाले जनतालाई आश्वासन गरेका बिषय बजेटमा नसमेटिएको भन्दै आपत्ती जनाउनुभएको हो । उहाले दवावका आधारमा अहिलेको बजेट आएको टिप्पणी पनि गर्नुभयो ।

जनप्रतिनिधीको बिश्वास पनि बजेटले समेट्न नसकेको भन्र्दै उहाले समानुपातीक प्रतिनिधीहरुलाई वेवास्ता गरेको बताउनुभयो । बजेट करमुखी भएको र उत्पादकमूखि नभएको , बजेटले पुरानै राष्ट्रिय गौरवको धरातलमा टेकेर आएका कारण बजेटमा नयापन नदेखिएको उहाको भनाई छ ।

बैठकमा साँसद रामकुमारी झाक्रीले पदमा बस्ने व्यक्तिले आफुले गरेको कामको जिम्मेवारी लिन अर्थमन्त्रीलाई सुझाव दिनुभयो । अर्थमन्त्रीले आफु ’ट्र्यापमा परेको’ भनेर दिएको अभिब्यक्तिलाई साँसद झाँक्रीले गैरजिम्मेवारपूर्ण भएको बताउनुभएको हो । उहाले संसदीय क्षेत्रका लागि साँसदले बजेट पाउनु पर्ने माग सबै साँसदको नभएको पनि बताउनुभयो ।