बुटवल, १८ जेठ । सिद्धार्थ राजमार्ग अन्तर्गत बुटवल–दोभान सडक खण्डमा पहिरो खसेपछि यातायात सेवा अवरुद्ध भएको छ ।
तिनाउ गाउँपालिका वडा नम्बर ३ हेडबक्स भन्ने ठाउँमा पहिरो खसेपछि शुक्रबार बिहान ३ बजेदेखि यातायात सेवा अवरुद्ध भएका छन् ।
पहिरोबाट खसेका ठूला–ठूला ढुंगाले सडकमा अवरोध सिर्जना गरेपछि पाल्पातिरबाट बुटवल आउँदै गरेका र बुटवलबाट पाल्पा, हुँदै गुल्मी, स्याङ्जा, पोखरा, बागलुङ हिँडेका सवारी साधन बीचमै रोकिएका छन् ।
वर्षा रोकिएको छैन पहिरो पन्छाउन डोजर लागेको भएपनि सडक कति बजे खुल्छ भन्ने यकिन नभएको प्रहरीले जानकारी दिएको छ ।
प्रतिक्रिया दिनुहोस्