काठमाडौं, ४ असार ।  लामो समय पश्चात नेपाल प्रहरीको संगठन भित्र सवै तहको लामो समय देखि रोकिएको सरुवा बढुवा भएको छ ।

संगठनको आन्तरिक शुद्धिकरणको थालनीस्वरुप लामो समयसम्म एकै ठाउमा बस्ने र सिन्डिकेट चलाउने सईहरुको प्रहरी प्रधान कार्यालयले सरुवा गरेको छ । निकै आकर्षक मानिएको प्रहरी प्रधान कार्यालय कर्मचारी प्रशासन शाखाको २० बर्ष भन्दा लामो समय काम गरेका सम्पूर्ण सईहरुको समेत सरुवा गरेको छ ।

त्यस्तै गरी प्रहरी प्रधान कार्यालयका अन्य बिभागहरुमा ५ बर्ष देखि २० बर्ष सम्म एकै ठाउमा राज गरी बस्ने सईहरुको सरुवा गरी प्रहरी महानिरीक्षक सर्वेन्द्र खनालले एक उदाहरणीय कार्य गरेका छन ।

त्यसै गरी प्राबिधिक तर्फको १५बर्षसम्म एकै पदमा बस्न बाध्य सई देखि डिआईजीसम्मको एकैदिन बढुवा निकाली प्रशंसनिय काम गरेका छ्न । हालै बढुवा भएका २८ जना प्रहरी उपरीक्षक र ५५ जना प्रहरी नायब उपरीक्षकहरुको पदस्थापना तथा अवधि पुगेका ७३ जना डिएसपिको एकैपटक सरुवा गरि गर्न खोजे के नहुने रहेछ भन्ने गतिलो उदाहरण दिन प्रहरी प्रमुख सफल भएका छन ।

एकै दिन यति धेरै काम सम्पन्न गर्न कर्मचारि प्रशासन शाखका कर्मचारीको अहोरात्र को खटाई र लगनले मात्र सम्भब भएको हो । अझैपनी प्रशासन चुस्त र दुरुस्त हुन केही कर्मचारीको संख्या प्रहरी प्रधान कार्यलयबाट हटाउनु जरुरी देखिन्छ ।