असार ५, रौतहट / दुर्घटनामा परि रौतहटमा एक जना सशस्त्र प्रहरी जवानको मृत्यु भएको छ भने एक जना घाईते भएका छन् ।
पुर्व पश्चिम राजमार्ग अन्र्तगत रौतहट जिल्लाको चन्द्रनिगापुर–४ स्थित जिल्ला वन कार्यालय अगाडी पश्चिबाट पुर्व तर्फ जादै गरेको ना ५ ख ६१४२ नम्वरको ट्रक र बिपरित दिशा तर्फबाट आउदै गरेको ना ४६ प २९८२ नम्वरको मोटरसाईकल एक आपसमा ठोक्किदा मोटरसाईकल चालक मकवानपुर जिल्ला हेटौडा उप महानगरपालिका–११ नवलपुर निवासी २९ वर्षिय राजेन्द्र न्यौपानेको मृत्यु भएको छ भने सोही मोटरसाईकलमा सवार चितवन भरतपुर–१० का २५ वर्षिय विशाल कुमार प्रजा घाईते भएका छन् ।

दुर्घटनामा परि गम्भिर घाईते भएका न्यौपानेको उपचारको क्रममा चन्द्रनिगाहपुर अस्पातल प्रालिमा मृत्यु भएको र घाईते प्रजाको अवस्था समान्य रहेको इलाका प्रहरी कार्यालय चन्द्रनिगापहुरका प्रमुख डिएसपी शान्तिराज कोइरालाले जानकारी दिएका छन् ।

मृतक मोटरसाईकल चालक न्यौपाने र घाईते प्रजा धनुषाको नक्टझिटा सशस्त्र प्रहरी वेश क्याम्पमा कार्यरत सशस्त्र प्रहरी जवान रहेको प्रमुख कोइरालाले बताए । ठक्कर दिने ट्रकका चालक मकवानपुर बकैया गाउँपालिका–६ का विनोद सिलवाल र ट्रकलाई प्रहरी नियन्त्रणमा लिएका छन् ।