पाल्पा,६ साउन । सिद्धार्थ राजमार्गको तानसेन वुटवल सडक खण्डको सिद्धवावा क्षेत्रमा ट्रकले मोटरसाईकल लाई ठक्कर दिंदा मोटरसाईकलमा सवार २ जनाको मृत्यु भएको छ ।
मृत्यु हुनेमा माथागढी गाउँपालिका वडा नंं २ आपटारीका ४० बर्षिय माधवकुमाल र १९ बर्षिय उमेश कुमाल रहेको जिल्ला प्रहरी कार्यालय पाल्पाका सूचना अधिकारी डिएसपी विनोद घिमिरेले बताए ।
मृतक दुवैजना बाबु छोरा हुन । तानसेनबाट बुटवल तर्फ जादै गरेको ना ३ ख १००८ नम्वरको ट्रकले अगाडी गुडिरहेको लु २१ प ९६८० नम्वरको मोटरसाईकल लाई ठक्कर दिंदा मोटरसाईकलमा सवार २ जनाको मृत्यु भएको हो ।
ट्रकले मोटरसाईकललाई ठक्कर दिदा मोटरसाईकल सडक बाट २ सय मिटर तल तिनाउँ नदिमा खसेको थियो । दुर्घनास्थल अत्यन्तै भिर भएकोलेले प्रहरी समेत पुग्न कठिन भएको थियो । ट्रक र ट्रक चालक लाई नियन्त्रणमा लिएको प्रहरीले जनाएको छ ।
प्रतिक्रिया दिनुहोस्