गुल्मी,१६ असोज । चन्द्रकोट गाउँपालिका–७ स्थित एक महिला मृत अवस्थामा फेला परेकी छन् । जिल्लाको दरबार गाउँपालिका–३, कमलपोखरी निवासी ५० वर्षीइ सावित्रा कुँवर मगरको शव चन्द्रकोट गाउँपालिका–७ स्थित बडिगाढ खोलामा तैरिरहेको अवस्थामा फेला परेकी हुन ।
साथीको घर नपुगी बेपत्ता भएकी सावित्राको ५ दिनपछि शव फेला परेको जिल्ला प्रहरी कार्यालय, गुल्मीका प्रहरी नायव निरीक्षक शिवबहादुर खत्रीले जानकारी दिएका छन । उनी असोज ११ गते छत्रकोट गाउँपालिकामा रहेको साथीको घर जाने भन्दै घरबाट हिँडेकी बताइएको छ ।
पोस्टमार्टमका लागि शव सदरमुकाम रहेको जानकारी दिँदै थप अनुसन्धान भइरहेको प्रहरी नायब निरीक्षक खत्रीले बताएका छन ।
प्रतिक्रिया दिनुहोस्