तनहुँ,३० असोज । पृथ्विराजमार्ग अन्र्तगत तनहुँको शुक्लागण्डकी–५ बेलचौतारमा हिजो साँझ बस र मोटरसाईकल एक आपसमा ठक्कर खादा एक जनाको मृत्यु भएको छ ।
जोमसोमबाट काठमाडौँ जादै गरेको बा ४ ख ८७७२ नम्बरको बसले ग ४ प ३५३१ नम्बरको मोटरसाइकललाई ठक्कर दिदा मोटरसाइकल चालक शुक्लागण्डकी–८ लालिमका सुरविर बिकको मृत्यु भएको हो ।
दुर्घटनामा गम्भिर घाईते उनको पोखरास्थित मणिपाल शिक्षण अस्पतालमा उपचारको क्रममा मृत्यु भएको इलाका प्रहरी कार्यालय बेलचौतराका प्रहरी निरिक्षक श्रवण बिकले जानकारी दिए ।
मोटरसाइकलको पछाडी सवार सोही स्थानका बिनोद थापा सामान्य घाइते भएका थिए । ठक्कर दिने बस र चालक प्रहरीको नियन्त्रणमा छन् ।
प्रतिक्रिया दिनुहोस्