काठमाडौं,१५, कात्तिक । नेपाल टेलिकमको १७ लाखको रिचार्ज कार्ड चोरी गरेको अभियोगमा प्रहरीले एक जनालाई प्रक्राउ गरेको छ । असोज २३ गते दाङको भालुवाङबाट १७ लाखको रिचार्ज कार्ड चोरी गर्ने २१ वर्षीय दलबहादुर पुनलाई रोल्पामा विक्री गरिरहेको अवस्थामा प्रहरीले प्रक्राउ गरेको हो ।
जिल्ला प्रहरी कार्यालय दाङको विशेष टोलीले रोल्पाका घटनाको २१ दिनपछि पक्राउ गरेको बताएको छ ।पुनले दाङबाट चितवन लैजादै गरेको १७ लाख रूपैयाँ बराबरको नेपाल टेलिकमको रिजार्ज कार्ड भालुवाङमा बाटोमै चोरी गरेका थिए।
अनुसन्धानमा चोरी गरेका रिचार्ज कार्ड प्युठानको स्वर्गद्वारीमा रहेको पुनको ससुराली घरमा लुकाएको अवस्थामा बरामद भएको हो। पुनले ९० हजारको कार्ड बिक्री वितरण गरिसकेको प्रहरीले जनाएको छ । पुनलाई चोरी मुद्दामा कारवाही गर्ने प्रहरीले बताएको छ ।
प्रतिक्रिया दिनुहोस्