काठमाडौं , १९ मङ्सिर ।

एउटा मान्छेको मायाले कति फरक पर्दछ जीन्दगीमा
एउटा साथीको साथले कति फरक पर्दछ जिउनुमा

स्वर सम्राट नारायण गोपाल भौतिक रुपमा संगीतप्रेमीहरुमांझ नरहे पनि उनका कालजयी आवाजहरुले हरेक संगीतका पारखीहरुलाई नारायाण गोपालको स्मरण गर्न बाध्य बनाउ“छ । स्वर सम्राट गोपाल भौतिक रुपमा देवशान भएको २८ वर्ष भइसकेपनि उनका स्वर आज पनि उत्तिकै लोकप्रिय छ ।

नेपाली गीत, संगीत क्षेत्रका शिखर पुरुष नारायाण गोपालको २८ वर्ष अघि २०४७ साल मंसीर १९ गते ५१ वर्षको उमेरमा निधन भएको थियो । नारायण गोपाल सांगितिक क्षेत्रका सर्वाधिक सफल एक गायक पनि हुन, त्यसैले नारायाण गोपाल भौतिक रुपमा संगीतप्रेमीहरुसंग नरहे पनि उनका कालजयी आवाजहरुले हरेक संगीतका पारखीहरुलाई नारायाण गोपालको स्मरण गराउछ । एउटा मान्छेको मायाले, मत लाली गुरास भएछु , मलाई नसोध कहा दुख्छ घाउ , मोहनी लाग्ला है, केहि मीठो बात गर , यो सम्झीने मन छ , जस्ता सयौं कालजयी गीतमा आवाज भरेर सबै सर्जक र श्रष्टाको मन मुटुमा बस्न सफल स्वर सम्राट नारायाण गोपाललाई राष्ट्रकवि माधव प्रसाद घिमिरेले यसरी सम्झीए ।

बुबा सितार बादक आशा गोपाल गुरुवाचार्य र रामदेवी गुरुवाचार्यको सुपुत्रको रुपमा नारायण गोपाल विक्रम सम्बत १९९६ असोज १८ गते वुधवार काठमाण्डौमा जन्मिएका थिए । अजम्वरी गीत÷संगीतमा सदा स्मरणीय रहेका गुणशाली तथा ख्यातिप्राप्त गायक÷संगीतकार नारायण गोपालले स्वरसम्राटको उपाधि जनस्तरबाट नै पाएका थिए ।

नारायण गोपालले लोकशैली नलिई शास्त्रीयतामा आधारित आधुनिक गीतको शुरूवात गरेका थिए । नेपाली आधुनिक सांगीतिक जगतमा नारायण गोपालको प्रवेश भएपछि गीत, संगीतको स्वर्णिम युगको शुरूआत भएको मानिन्छ ।

नारायण गोपालले आफनो लागी मात्रै नभई अरुको लागि पनि संगीत गर्नुभएको इतिहास साक्षि छ । राष्ट्रीयता र राष्ट्रीय पोशाकका पक्षपाति नारायण गोपालको २०२६ सालमा दार्जलिङकी पेमला लामासंग अन्र्तजातिय विवाह भएको थियो ।

नेपाली गीतसंगीत जगतमा नारायण गोपाललाई सदावहार गायक रुपमा आज पनि लिने गरिन्छ । उनका गीत सबै उमेरका मानिसहरुले उत्तिकै मन पराउने गर्दछन् ।

यो सम्झीने मन छ म बिर्सू कसरी
तिमी नै भनीदेउ हे जाने निष्ठुरी ।