काठमाडौं,४ माघ । समायोजनका लागि फारम नभरेका कर्मचारीको अध्ययन सुरु भएको छ ।

समायोजनमा नआउनेको एकिन संख्या, त्यसको कारणलगायतको अध्ययन सुरु गर्ने संघीय मामिला तथा सामान्य प्रशासन मन्त्रालयले जनाएको छ ।

संघ, प्रदेश र स्थानीय तहमा समायोजन हुन झण्डै ७५ हजार कर्मचारीले अनलाइनमार्फत फाराम भरेको र १० हजार जति कर्मचारीले फाराम नभरेको मन्त्रालयले बताएको छ ।

यस्तै ५ हजार भन्दा बढीले फाराम भरे पनि कुन तहमा जाने भनेर रोजेका छैनन् । सबैभन्दा धेरै कर्मचारीले स्थानीय तहमा समायोजन हुन फारम भरेका छन् ।

तीन लाख ४५ हजार २ सय २५ जनाले स्थानीय तह, ५८ हजार ६ सय २३ जनाले प्रदेश र ४६ हजार २ सय ७० जनाले संघमा समायोजन हुन फारम भरेका छन् । समायोजनमा आएका कर्मचारीलाई पनि कुन तहमा पठाउने भन्ने विषयमा पनि छलफल हुने छ ।

कर्मचारी समायोजन गर्ने सरकारको निर्णयप्रति विरोधमा उत्रेका कर्मचारीहरु अन्ततः संघीय मामिला तथा सामान्य प्रशासन मन्त्रालयले दिएको २१ दिनको समयसिमाको पालना गर्दै समायोजीत हुन सहमत भएका थिए ।

कर्मचारी समायोजन ऐन अनुरुप अनलाइन फारम मार्फत समायोजनको आवेदन गर्न दिएको २१ दिने समयावधिमा ९९ प्रतिसत कर्मचारीले आवेदन फर्म भरेका थिए ।