भद्रपुर,४ माघ । भद्रपुरमा जारी प्रथम वडास्तरीय टी ट्वान्टी नकआउट क्रिकेट प्रतियोगितामा सोमबार हुने फाइनल खेलमा आयोजक वडा नम्बर ६ र ५ भिड्ने पक्का भएको छ ।

भद्रपुर माविको मैदानमा आयोजित आज भएको अन्तिम सेमीफाइनल खेलमा उपाधी दावेदार मानिएका वडा नम्बर ८ लाई ५ विकेटले पराजित गर्दै वडा नम्बर ५ फाइलनमा प्रवेश गरेको हो । यसअघि फाइनलमा वडा नम्बर ६ प्रवेश गरिसकेको छ ।

टस जितेर पहिला ब्याटिङ्ग रोजेका वडा नम्बर ८ ले निर्धारित २० ओभरको खेलमा १८ ओभर ३ बल खेल्दै १०६ रनमा अलआउट भए । वडा ५ का बलरसँगै उत्कृष्ट फिल्डिङका अगाडि वडा नम्बर ८ व्याटस्मेन मैदानमा धेरै बेर टिक्न नसक्दा कम रनमै टिम सिमित भए ।

टिमका लागि प्रवेश कामतील ३९ रन, दीपेश कामतीले १६, मौसिम अख्तरले १२ रन र आशिष बरालले १२ रन बनाए । बलरतर्फ दर्पण थापा र आयुस झाले ३-३ विकेट लिए ।

१०७ रनको लक्ष्य लिएर मैदानमा उत्रिएका वडा नम्बर ५ ले १३ ओभर २ बलमा पाँच विकेट गुमाउँदै लक्ष्य भेट्टाए । टिमका लागि नितिन राणाले विस्फोटक पारी खेल्र्दै अर्धसतक बनाए ।

उनले ३६ बलमा नटआउट ५४ रन बनाए । त्यस्तै अजय राजपुतले २० रन र दर्पण थापाले ११ रन बनाए । उता बलरतर्फ आशिष बरुवालले एक ओभरमा १३ रन खर्चिएर दुई विकेट लिए ।

त्यस्तै प्रवेश कामती, विक्की महत्तो र सिद्धार्थ राजवंशीले एक-एक विकेट लिए । खेलको म्यान अफ द म्याच वडा नम्बर ५ का नितिन राणा घोषित भए । उनलाई नगद र ट्रफिसहित वडा नम्बर ५ का वडा अध्यक्ष बन्धु कार्कीले पुरस्कृत गरे ।

पृथ्वी जयन्ती तथा राष्ट्रिय एकता दिवसको भद्रपुर नगरपालिका अन्तरगतको ६ नम्बर वडा कार्यालय र बलबस्टर्स क्लव भद्रपुरको संयुक्त आयोजनामा प्रतियोगिता भइरहेको । प्रतियोगितामा विजेता टिमलाई नगद ४० हजार र उपविजेता टिमलाई २० हजार नगदसहित शि