काठमाडौं १७ असोज । नेकपा एमाले र माओवादी केन्द्रबीच पार्टी एकता गर्ने गरी चुनावी गठवन्धन सम्वन्धी दस्तावेजमा आजै हस्ताक्षर हुने भएको छ । गत आइतबार गठन गरिएको उच्चस्तरीय पार्टी एकता संयोजन समितिले दस्तावेजलाई मूर्त रुप दिन छलफल गरिरहेको छ । दुुई पार्टीबीच ७ बुंदे सहमति भएको सोमबारको माओवादी केन्द्रको सचिवालय बैठकमा अध्यक्ष पुुष्पकमल दाहाल प्रचण्डले बताएका थिए ।
साझा दस्तावेजमा पार्टीको नाम, चुनावी भागवण्डा, चुनाव चिन्ह, एकता संयोजन समिति, पार्टीको मार्ग निर्देशक सिद्धान्त र समाजवादी क्रान्तिको नेपाली मोडेलका विषयलाई समेटिएको संयोजन समितिका एक नेताले बताए ।
एमाले नेता माधव नेपाल र माओवादी केन्द्रका नेता नारायणकाजी श्रेष्ठले दस्तावेजका शव्द शव्द र बाक्यको छनोटमा व्यस्त रहेका छन् ।
संयोजन समितिको कार्यदल बैठक सुरु हुनु पहिले प्रधानमन्त्री शेरबहादुर देउवाको आग्रहमा प्रचण्ड बालुवाटर पुुगेका थिए । देउवाले प्रचण्डलाई यो गठवन्धन रोक्न सकिंदैन भन्ने प्रश्न गरेको बुुुझिएको छ । जबाफमा प्रचण्डले चुनावी सरकारलाई यो गठवन्धनले केही असर नगर्ने भन्दै एमाले र माअ‍ोवादी बीचको एकता धेरै अघि बढिसकेको जानकारी दिएका थिए ।
प्रचण्डलाई भेट्ुन पहिले देउवाले उपप्रधान तथा परराष्टमन्त्री कृण्णबहादुर महरासंग एमाले माओवादी गठवन्धन प्रति चिन्ता जाहेर गरेका थिए ।