तनहुँ, ६ चैत । तनहुँको शुक्लागण्डकी–२, हलेदीमा मंगलबार राती भएको सडक दुर्घटनामा एक जनाको मृत्यु भएको छ ।

दुलेगौँडातर्फ आउदै गरेको ना ४६ प ५५१४ नम्बरको मोटरसाइकललाई सोही दिशाबाट आउदै गरेको बा ४ ख ७१० नम्बरको ट्रकले ठक्कर दिदाँ अर्घखाँचीका नन्द कुमार श्रेष्ठको मृत्यु भएको हो । गम्भिर घाईते श्रेष्ठलाई उपचारको लागी जिपि कोइराला राष्ट्रिय श्वासप्रश्वास उपचार केन्द्र बेलचौतरामा ल्याउदै गर्दा बाटोमा नै मृत्यु भएको हो ।

सडकको खाल्डो छल्न खोज्दा ट्रकको पछाडीको टायरले मोटर साइकललाई ठक्कर दिएको प्रारम्भिक अनुसन्धानबाट खुलेको छ । घट्नाबारे थप अनुसन्धान भइरहेको छ भने ठक्कर दिने ट्रक र चालक प्रहरीको नियन्त्रणमा रहेको प्रहरीले जनाएको छ ।

पृथ्विराजमार्ग अन्र्तगत तनहुँको दुलेगौँडा कोत्रे सडक खण्ड प्रदेशको राजधानीलाई संघीय राजधानीसँग जोड्ने एकमात्रै सडक भएपनि खाल्डाखुल्डीका कारण दुर्घटना हुने गरेको छ ।