काठमाडौं, १७ चैत । गए रातीदेखि नै काठमाडौं उपत्यकासहित देशका पूर्वी क्षेत्रमा हल्कादेखि मध्यम खालको वर्षा भएको जल तथा मौसम पूर्वानुमान महाशाखा जनाएको छ ।

देशैभरी आज (आइतबार) बिहानैदेखि मौसम बदली भएको छ। काठमाडौं उपत्यकासहित देशका पूर्वी क्षेत्रमा आइतबार दिउँसो र साँझपख मेघ गर्जनसहित वर्षा हुने सम्भावना रहेको
पूर्वानुमान महाशाखा जनाएको छ । महाशाखाका अनुसार आज दिउँसो पूर्वी र मध्य भू–भागहरुमा सामान्य बदली रहनेछ भने बाँकी भू–भागहरुको मौसम आंशिक बदलि रहनेछ।

‘पूर्वी भू–भागका धेरै तथा मध्य र पश्चिमी भू–भागका केहि स्थानमा मेघ गर्जन सहित क्षणिक वर्षाको संभावना र हिमालि भेगका थोरै स्थानमा हल्का देखि मध्यम खालको हिमपातको समेत संभावना रहेको शाखाले जनाएको छ ।

अहिले प्रि–मनसुनको समय हो । यस्तो बेला हावाहुरी आउनु तथा चट्याङ पर्नु स्वाभाविक र नियमित प्रक्रिया भएकाले सचेत रहन मौसमविद्ले आग्रह गरेका छन्।

भारत बिहारमा देखिएको न्यून चापीय रेखा र पश्चिमी वायुका बाँकी अंशको प्रभावले नेपालमा प्रि–मनसुनको समयमा पानी परेको हो।