रोल्पा, १७ चैत । आफ्नै भाइले दिदिको दाउरा प्रहार गरी हत्या गरेका छन । शनिबार साँझ आपसी झै-झगडा हुदाँ रुन्टीगढी गाउँपालिका(३ सल्लीकोट बस्ने १९ वर्षीय लुमबहादुर घर्तीले आफ्नै दिदी २२ वर्षीया कल्पना घर्तीलाई दाउरा प्रहार गरी हत्या गरेका हुन ।
उनलाई दिदिको हत्या गरेको अभियोगमा आइतबार बिहान प्रहरीले पक्राउ गरेको छ । कल्पनालाई दाउरा प्रहार गर्दा गम्भीर घाइते भई उपचारको लागि मेडिकल कलेज कोहलपुर बाँके लगिएकोमा उपचारको क्रममा मृत्यु भएको हो ।
मृत्यु भएको भन्ने खबर अस्थायी प्रहरी पोष्ट सुर्पालमा प्राप्त हुनासाथ खटिएको प्रहरीले लुमबहादुरलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया दिनुहोस्