काठमाडौं,२३ चैत । प्रधानमन्त्री केपी शर्मा ओली सुनसरीको चतरामा आयोजना गर्न लागिएको अर्धमहाकुम्भ मेलाको उद्घाटनमा सहभागी नहुने हुनुभएको छ ।

शनिबारदेखि सुरू हुन लागेको अर्धमहाकुम्भ मेला मौसममा खराबी आएकाले ओली सहभागी नहुने हुनुभएको हो । अर्धमहाकुम्भ मेलाको चतरा जाने प्रधानमन्त्रीको निर्धा्रित कार्यक्रम स्थगित भएको प्रधानमन्त्री ओलीका प्रेस संयोजक चेतन अधिकारीले बताउनु बताउनु भएको छ ।

‘प्रधानमन्त्री चतरा जाने कार्यक्रम तय भए पनि शनिबारको मौसममा खराबी आएकाले स्थगित भएको प्रेस संयोजक अधिकारीले बताउन भयो ।

यसअघि उपप्रधान तथा रक्षा मन्त्री ईश्वर पोखरेल पनि उक्त कार्यक्रममा सहभागी हुने तय भएको थियो । तर, उहाँले पनि अन्तिममा आएर आफ्नो कार्यक्रम स्थगित गरेको जानकारी आयोजकलाई दिनु भएको छ ।

प्रधानमन्त्री र उपप्रधानमन्त्री दुवै सहभागी हुने कार्यक्रम अन्तिममा आएर स्थगित भएपछि आयोजकले प्रदेश १ का मुख्यमन्त्री शेरधन राईबाट उद्घाटन गराउने तयारी गरेको बताइएको छ ।