काठमाडौं, २८ चैत । कपिलवस्तुको मायादेवी गाउँपालिकामा शिक्षाको क्षेत्रमा काम गर्नका लागि अहिलेसम्म कर्मचारी व्यवस्थापन गर्न नसके पनि गाउँपालिकाले आफ्नै प्रयासमा शिक्षाका काम गर्न थालेको छ ।

यसअघि शिक्षा कार्यालयका तर्फबाट स्रोत व्यक्तिले शिक्षा शाखाको जिम्मेवारी सम्हाले पनि सरकारले स्रोत व्यक्तिलाई विद्यालय फिर्ता गरेपछि अहिले शिक्षाको काम गर्ने कुनै पनि व्यक्ति कार्यालयमा रहेका छैनन् । तर पनि गाउँपालिकाले शिक्षाका आफ्ना नियमित गतिविधि सञ्चालन गर्ने योजना बनाएको छ । सरकारले कर्मचारी व्यवस्थापन गर्न सकेको छैन, धेरै काम रोकिएको भए पनि आफूहरुले प्रयास जारी राखेको गाउँपालिकाका प्रमुख प्रशासकीय अधिकृत रामचन्द्र ढकालले बताउनुभयो जिल्लाको मायादेवी मात्र हैन शुद्धोधन गाउँपालिकामा पनि अहिलेसम्म शिक्षाको काम गर्नका लागि कर्मचारी पुगेका छैनन् ।

जिल्लाका बाणगङ्गा, बुद्धभूमि, शिवराज नगरपालिकाबाहेकका अन्य क्षेत्रमा शिक्षाका लागि कर्मचारी अपुग नै देखिएका हुन् । यस वर्ष वैशाख २ देखि १४ गतेसम्म बालबालिकालाई मुस्कानसहितको भर्ना अभियान, विद्यालय स्वागत कार्यक्रम र मसान्तसम्म घरदैलो कार्यक्रम सञ्चालन गरिने भएको छ ।

अभियानलाई सहयोग पु¥याउन सिद्धार्थ सामाजिक विकास केन्द्र, दलित सामाजिक विकास केन्द्र, सनसाइन समाजिक विकास केन्द्र, लिडो संस्था र ग्लोबल एक्सन नेपालले सहयोग पु¥याउने भएका छन् । सबै बालबालिकालाई नेपाल सरकारले प्राथमिकस्तरसम्मको शिक्षा निःशुल्क र अनिवार्य उपलब्ध गराउने प्रतिबद्धता जाहेर गरेअनुसार गाउँपालिकाको आठ वटा वडामा अभियान सञ्चालन गर्न लागेको हो ।

कपिलवस्तु जिल्लामा यस वर्षको भर्ना अभियानमा अभिभावक सचेतनाका लागि घरदैलो कार्यक्रम, सडक नाटक, स्थानीय भाषा र स्थानीय परिवेशअनुसार प्रचार प्रसारका सामग्री निर्माण, ¥याली, अन्तक्र्रियासहित केही नयाँ कार्यक्रमसमेत सञ्चालन गरिने भएको छ । सरकारले हरेक वर्ष विद्यालय भर्ना अभियानलाई सञ्चालन गर्दै आए पनि जिल्लामा अझै पनि धेरै बालबालिका विद्यालय बाहिर रहेका छन् ।