काठमाडौं,३० चैत । धरानमा गएराति भएको सवारी दुर्घटनामा ज्यान गुमाउनेको सँख्या ४ पुगेको छ । चारकोशे जंगलस्थित विश्वकर्मा मन्दिरदेखि केही तल पानीटंकी नजिक कोशी राजमार्गमा भएको सडक दुर्घटना ३ जनाको ज्यान गएको थियो ।

एक जनाको घटनास्थलमै ज्यान गएको हो भने २ जनाको वीपी कोइराला स्वास्थ्य विज्ञान प्रतिष्ठान धरानमा उपचारको क्रममा ज्यान गएको प्रहरीले जनाएको छ । राती करिब साढे ११ बजे धरानबाट इटहरी जादै गरेको बा २० च ४०७६ नम्बरको कारले त्यतै जादै गरेको मे १ त ६६९२ नम्बरको ट्याक्टरलाई पछाडिबाट ठक्कर दिएको थियो ।

त्यसपछि इटहरीबाट धरानतर्फ आउदै गरेको को १ ख ४७६१ नम्बरको बसमा उक्त कार ठोक्किएर दुर्घटना भएको थियो । दुर्घटना परी कारमा सवार इटहरी ५ का अनिष श्रेष्ठको घटनास्थलमा नै ज्यान गएको थियो भने जनक बुढाथोकी र मदन लिम्बूको वीपी कोइराला स्वास्थ्य प्रतिष्ठानमा उपचारको क्रममा ज्यान गएको छ ।

यस्तै, कार चालक गोविन्द बस्नेतको पनि केहीबेर अघि ज्यनन गएको छ ।गम्भीर घाइते छन् । सो दुर्घटनामा परी ट्याक्टरका ३ जना, बसका ५ जना र कारमा सवार ४ जना गरी १२ जना घाईते भएका छन् ।