काठमाडौ,८ बैशाख । राष्ट्रिय जनता पार्टी (राजपा) नेपालको पदाधिकारी बैठक स्थगित भएको छ ।

काठमाडौंको बबरमहलस्थित पार्टी केन्द्रीय कार्यालयमा आज बसेको राजपा पदाधिकारीहरूले बैठकले महोत्तरीको पिपरा गाउँपालिकाका अध्यक्ष विनोद चौधरीको निधनमा शोक प्रस्ताव पारित गरेको छ ।

चौधरीको आज बिहान १० बजे काठमाडौंको मेडिसिटी अस्पतालमा निधन भएको राजपा नेपालका अध्यक्ष मण्डलका सदस्य राजकिशोर यादवले बताउनुभयो । उहाँले बैठक भोली १ बजे बस्ने जानकारी दिनुभएको छ ।

महाधिवेशनको मिति तय गर्ने विषयमा पदाधिकारीको बैठक केन्द्रित हुने राजपाका अध्यक्ष मण्डलका सदस्य यादवले जानकारी दिनुभएको छ ।

पार्टी गठन भएको दुईवर्ष भित्र भएका काम कारवाहीका विषयसँगै सरकारको सम्बन्धमा पनि छलफल हुने यादबले बताउनुभयो । पार्टीले शनिबार तेस्रो स्थापना दिवस मनाएको थियो ।