वीरगंज ,१० साउन । सरकारले जारी गरी भर्खरै ल्याएको नया कर निती अन्तर्गत pan for all लागु गरे पछी आन्तरिक राजश्व कार्यालय पर्सामा प्यान नम्बर लिनेको भिड बढेको छ । सरकारले ०७६ साउन १ गते देखी ब्यवसाय, रोजगार र लगानी गर्नेहरुका लागी स्थाई लेखा नम्बर अनिवार्य लिनु पर्ने नियम लागु गरेपछी आन्तरिक राजश्व कार्यालयमा प्यान नम्बर लिनेहरुको चाप बढेको पछी कर्मचारीहरुलाई पनि भ्याइ नभ्याइ भएको छ ।

आन्तरिक राजश्व कार्यालय पर्सामा स्थाई लेखा नम्बर लिन दैनिक २ देखी ३ सय सम्मको हाराहारीमा सर्वसाधारण आउने गरेको आन्तरिक राजश्व कार्यालय पर्साका प्रमुख गोपी कृष्ण कोईरालाले जानकारी दिए ।

आन्तरिक राजश्व कार्यालय पर्साका प्रमुख कोईरालाका अनुसार सरकारले जेष्ठ १५ गते बजेट भाषणमा उबल ायच बिि अनिवार्य प्यानमा दर्ता गर्नुपर्ने प्रावधान लागु गरे पछी जेष्ठ १५ गते देखी श्रावणको ८ गते सम्म करिव १० हजार भन्दा बढी ब्यक्तीले प्यान नम्बर लिएको बताए । आन्तरिक राजश्व कार्यालय पर्सामा श्रावण १ गते देखी अहिले सम्म करिव ४ हजारको हाराहारीमा प्यान दर्ता गराएको र कर्मचारीको क्षमता अनुसार सेवाग्राहीहरुलाई काम दिन नसकेको कार्यालयका प्रमुख बताउ“छन् ।

दैनिक ५ देखी ७ वटा सम्म कम्पनीका ब्यक्तीहरु प्यान नम्बर लिन आएपनी एउटै कम्पनीबाट मात्र २ सय देखी ३ सय सम्म प्यान लिन आन्तरिक राजश्व कार्यालय पर्सामा आउने गरेको कोईरालाले बताए । आन्तरिक राजश्व कार्यालय पर्सामा बिजनेश प्यान करदाताहरुको संख्या २८ हजार ७ सय ९ जना रहेका छन भने पर्सनल प्यान करदाताहरुको संख्या २३ हजार ४ सय २५ जना रहेका छन । नया कर निती अनुसार कुनैपनी ब्यापारीहरुले १ हजार भन्दा बढीको सामान खरिद गरी बिल लिदा प्यान बिल अर्थात प्यानमा दर्ता भएको बिल लिनुपर्ने अनिवार्य गरिएको छ ।