पर्सा,१९ साउन । तस्करले अबैध रुपमा नेपाल भित्रयाउदै गरेको करिव ९ हजार चल्लासहित ५ वटा मोटरसाईकल सशस्त्र प्रहरीले नियन्त्रणमा लिएको छ ।
सशस्त्र प्रहरी बलको १३ नम्बर गण हेडक्वाटर पर्सा बीरगंजले कुखुराको चल्ला सहित ५ वटा मोटरसाईकल नियन्त्रणमा लिएको हो ।

पर्साको ग्रामिण भेगमा रहेको अमरपट्टी र बिन्दवासनी नाकाबाट तस्करहरुले आज बिहान कुखुराको चल्ला भित्र्याउंदै गरेको बिशेष सुचनाको आधारमा कार्वाही गरिएको १३ नम्बर गण हेडक्वाटर बीरगंजका सशस्त्र प्रहरी उपरिक्षक दिपेन्द्र कुवरले बताउनुभयो ।

नियन्त्रणमा लिएको कुखुराको चल्लाको मुल्य र भारतिय नम्बरको मोटरसाईकल गरी करिव १० लाख रुपैया बराबर रहेको सशस्त्र प्रहरी उपरीक्षक कुवरले बताउनुभयो । सशस्त्र प्रहरीले नियन्त्रणमा लिएको उक्त अबैध चल्ला आजै पशु क्वारटाईन, स्थानिय जन प्रतिनिधी, संचारकर्मीहरुको रोहवरमा नष्ट गरिएको छ ।