काठमाडौं, १९ साउन । भूमि व्यवस्था, सहकारी तथा गरिबी निवारण मन्त्रालयको गाडीले किच्दा धनगढीका अभिमन्यू सिंह गम्भीर घाइते भएका छन् । घाइते अभिमन्यूको ओम हस्पिटलमा उपचार भइरहेको छ ।
मन्त्रालयको बा २ झ ३८३२ को गाडीले शनिबार बेलुकी ५ बजे सवारी छोडेर फर्किदै गोपीकृष्ण हल नजिक किचेको आफन्तले बताएका छन् । बच्चा किचेपछि सरकारी गाडी गौशाला प्रहरी कार्यालयमा राखिएको छ । सम्बन्धित मन्त्रालयका कर्मचारीलाई दुर्घनाबारे जानकारी दिदा बेवास्ता गरेको आफन्तले बताएका छन् ।
सार्वजनिक विदाको दिन सवारी चलाएर दुर्घटना गराउने गाडी चालकलाई कार्वाही हुनुपर्ने र घाइतेको उपचार गर्न आफन्तले माग गरेका छन् ।
प्रतिक्रिया दिनुहोस्