काठमाडौं, १९ भदौ । विपद् र विकास नीतिबीच तालमेल नहुदा विकास दीगो बन्न नसकेको विज्ञहरुले बताएका छन् । एबीसी न्यूज टेलिभिनको ११ वर्ष पुरा गरेको अवसरमा विकास वर्ष अन्तरगत विपद् विकास विषयक अन्तरसंवाद कार्यक्रममा यस्तो बताएका हुन् । विकास नीतिको अभ्यास लामो भएपनि विपद् जोखिम न्यूनीकरण र व्यवस्थापनमा सफलता हासिल हुन नसकेको उनीहरुले बताएका छन् ।

विपद् जस्तो महत्वपूर्ण विषयमा राज्यले अझै प्राथमिकता दिन नसकेको बताउदै राष्ट्रिय विपद् जोखिम न्यूनीकरण तथा व्यवस्थापन प्राधिकरण गठन अबिलम्ब गर्न सुझाएका छन् । सार्थक विपद न्यूनीकरण र व्यवस्थापनका लागि संघीय नेपालका तीनै तहबीच समन्वय र सहकार्य अपरिहार्य भएकोले यस्लाई सबैले गम्भीरतापूर्व लिनुपर्ने बताए ।

विपद् प्राकृतिक र मानवीय कारणले हुने भएपनि नेपालको विकास मोडेलले विपद् धेरै निम्त्याएको निष्कर्ष निकाल्दे उनीहरुले विपद्संग जुध्न र सामना गर्नका लागि सबैको साझा कार्यक्रम बन्नुपर्ने बताएका छन् । विपद र विकासलाई संगसंगै लैजानुपर्ने सुझाउदै दीगो विकास विरोधी विकास कार्यले विपतबाट क्षति बढ्दै गएको बताएका छन् ।