भैरहवा, ३० असोज ।
रुपन्देहीको रोहिणी गाउपालिका बैकुण्ठपुरमा साउन २९ गते गोली हानी हत्या भएका महेन्द्र कुर्मीको मुख्य अभियुक्त पक्राउ परेका छन् ।
घटनाका मुख्य अभियुक्त भारतको उत्तरप्रदेश राज्य गोरखपुर जिल्लाका ४० बर्षिय मनिष हरिजन (चमार) रहेका जिल्ला प्रहरी कार्यालय रुपन्देहीका प्रहरी उपरिक्षक हेम बहादुर थापाले बताए । थापाका अनुशार अनुशन्धानको क्रममा कुर्मी हत्यामा तिन जनाको संलग्नता रहेको छ । तिन जना मध्य पक्राउ परेका अभीयुक्त हरिजन सुटर हुन् । अन्य अभियुक्तमा एक जना प्रमुख योजनाकार र एक जना सहयोगी रहेका छन् । दुई जना भारतिय नागरिकनै रहेको जानकारी जिल्ला प्रहरी कार्यालय रुपन्देहीले दिएको छ ।
प्रहरी उपरिक्षक थापाका अनुशार प्रहरीले अन्य दुई जना फरार अभियुक्त पक्राउ गर्नको लागी सुक्ष्मरुपमा अनुशन्धान गरिरहेको छ । भारतिय नागरिक भएकोले सहजै पक्राउ गर्न नसक्ने हुनाले केही समय लाग्ने उनले बताए ।
घटना भएको दोस्रो दिन रुपन्देहीको प्रमुख भएर आएका उपरिक्षक थापाको टोलीले करिव एक महिनाको अनुशन्धान पछि बिशेष सुचनाको आधारमा आरोपी नजीक पुगेको थियो । असोज २९ गते राती ८ बजे सिद्धार्थनगर नगरपालिका वडा नं २ मेउडिहवा फुलपुर क्षेत्रलाई घेराबन्दी गरि चेकजाच गर्ने क्रममा सेतो रंगको हेलमेट लगाइर युपी ५३ डिबी ९९८३ नं को कामलो रंगको पल्सर मोटरसाईकल भारत बाट नेपाल आउदै गर्दा चेक गर्ने क्रममा अभियुक्त हरिजनलाई पक्राउ गर्न सफल भएको हो ।
प्रहरीका अनुशार उक्त घटना लुटपाटकै उद्देश्यले भएको देखिएको छ । अनुशन्धानको क्रममा घटना हुने दिनको सिसिटिभी फुटेज, बैज्ञानिक साधनको प्रयोग, घटनाको प्रत्यक्षदर्शीको भनाई लगायत गहन अध्ययन बिश्लेषण गर्दा अभियुक्तहरु बैंक भित्रनै रहेको र कुर्मीको साथमा श्रीमती तथा दुधे बालक रहेको देखेपछी रकम लुट्न सहज हुने हुनाले पिछा गरेको देखिएको छ ।
प्रहरीका अनुशार पक्राउ परेका अभियुक्तले दिएको बयान अनुशार उनिहरुको उद्देश्य कुर्मीको हत्या गर्ने नभई लुटपाट मात्र गर्ने रहेपनी कुर्मीले प्रतिकार गरेपछी हत्या भएको हो । साउन २९ गते दिउसो हिमालयन बैक भैरहवा बाट रकम निकाली घर जाने क्रममा रुपन्देहीको रोहीणी पुल अगाडी बैकुण्ठपुरमा बजार क्षेत्रमै गोली हानी हत्या गरी लुटपाट परिएको थियो । उनको साथ बाट पांच लाख रुपैया लुटिएको थियो । दुधे बालक संगै रहेकी श्रीमतीलाई मोटरसाईकल बाट धकेली बाटोमा लडाएर कुर्मीसंग रकम माग गर्ने क्रममा गोही हानीएको थियो ।