नेपालगंज, ६ कात्तिक ।  पछिल्लो समय स्थानीय सरकारहरुले समेत केन्द्र सरकारको झझल्को दिनेगरी ठूला कार्यक्रमहरु आयोजना गरिरहेका छन् । केही समयअघि रुपहेन्दीको एक स्थानीय तहले लगानी भित्राउने उद्वेश्यका साथ लगानी सम्मेलन गरेको थियो ।

बाकेको खजुरा गाउपालिकाले पनी बृहत् खजुरा सम्मेलनको आयोजना गरेको छ । गाउपालिकाले योजना निर्माणमा टेवा पु¥याउने उद्देश्यले नै वृहत खजुरा सम्मेलनको आयोजना गरेको हो ।

बिहीबारसम्म चल्ने सम्मेलनमा विज्ञहरुले तयार पारेका विभिन्न बिषयका कार्यपत्र प्रस्तुत हुनुका साथै त्यसमाथि छलफल समेत हुनेछ । सम्मेलनमा देश तथा विदेशमा रहेका खजुराबासीहरु उपस्थित भएर यहाको विकासको बारेमा प्रत्यक्ष रुपमा छलफल गर्नेछन् । सम्मेलनबाट खजुराबासीहरुले दिएको सुझावको आधारमा गाउपालिकाले योजनाहरु अगाडि सार्नेछ ।

खजुराबासीको सिकाई आदानप्रदान गर्न र खजुरा क्षेत्रका विषय विज्ञ, प्राज्ञिक सामाजिक तथा आर्थिक विकासमा अभ्यासरत व्यक्तित्वहरुबाट पृष्ठपोषण ग्रहण गर्ने उद्देश्य राखिएको खजुरा गाउँपालिकाका अध्यक्ष किस्मतकुमार कक्षपतीले बताए । उनका अनुसार सम्मेलनमा खजुरा घर भई विभिन्न क्षेत्रमा मानिसहरुको अनुभव र ज्ञान साटासाट गर्ने समृद्व खजुराको परिकल्पना समेत गरिनेछ ।

सम्मेलनमा विषय विज्ञहरुले तयार पारेको आर्थिक विकास, विकासमा जनसहभागिता, योजनावद्ध खजुरा शहर, लैंगिक र महिला सशक्तीकरण खजुरा, खजुरामा कृषि, खेलकुद, गुणस्तरीय स्वास्थ्य सेवा लगायतका विषयमा कार्यपत्र प्रस्तुत र छलफल सहित कार्यपत्र पारित गरिने छ । सम्मेलनको उद्घाटन गर्दै प्रदेश ५ का मुख्यमन्त्री शंकर पोखरेलले १५, २० वर्षसम्म गर्ने कामको योजना बनाउनुपर्ने बताएका थिए । गाउ“पालिका भित्र रहेका विभिन्न कामहरुलाई १५, २० वर्षसम्म कसरी अगाडि बढाउने भन्ने कुरामा सम्मेलन केन्द्रित हुनुपर्नेमा उनले जोड
दिए । त्यसो हुन सकेमात्र समृद्व खजुरा हुनसक्ने मुख्यमन्त्री पोखरेलको भनाई छ ।

सम्मेलनमा देश तथा विदेशमा रहेका दुई सय ५० भन्दा बढी खजुराबासी नागरिकहरुको सहभागिता रहेको छ । खजुरामा पहिलोपटक भएको सम्मेलनले नीतिगत रुपमा ठूलो टेवा पु¥याउनुका साथै समृद्ध खजुराको सपना पुरा गर्न कोशेढुङ्गा सावित हुने विश्वास गरिएको छ ।