काठमाण्डौं, २० काक्तिक । सरकारले आजदेखि यायायातका साधनमा नयाँ प्रविधिको इम्बोष्ड नम्बर प्लेट वितरण प्रक्रिया सुरु गर्दैछ ।

यातायात व्यवस्था विभागले आजदेखि ३ पाङ्ग्रे, ४ पाङग्रे साना र ४ पाङग्रे ठूला यायायातका साधनमा इम्बोष्ड नम्बर प्लेट वितरणका लागि अनलाइन सेवामार्फत् आवेदन खुला गरिएको छ । प्रदेश संरचना अनुसार नै इम्बोष्ड नम्बर वितरणको काम सुरु गरिएको छ । इम्बोष्ड नम्बर प्लेट वितरण भने पहिलो चरणमा प्रदेश नम्बर ३ बाट सुरु भएको छ । इम्बोष्ड नम्बरका लागि आवेदन भने ललितपुरको एकान्तकुनास्थित साना तथा ठूला सवारी व्यवस्थापन काया{लयमा बुझाउनुपर्नेछ । इम्बोष्ड नम्बर प्लेट लिन ३ पाङग्रेका लागि २ हजार ९ सय, ४ पाङग्रे सानाका लागि ३ हजार २ सय र ४ पाङग्रे ठूला यातायात साधनका लागि ३ सयदेखि ६ सय रुपैयाँ शुल्क बुझाउनु पर्नेछ । इम्बोष्ड नम्बर प्लेटमा अञ्चलको सट्टा प्रदेश नम्बर उल्लेख गरिएको छ । सरकारले अरु प्रदेशहरुमा पनि इम्बोष्ड नम्बर प्लेट वितरणको काममा ढिलाई नगर्ने पनि स्पष्ट पारेको छ । क्यालेन्डर बनाएरै इम्बोष्ड नम्बर प्लेट वितरणको कामलाई अरु प्रदेशहरुमा पनि एकैसाथ सुरु गन{ लागिएको विभागले जनाएको छ । प्रदेशको नामाकरण भएपछि पनि काम लाग्ने गरी इम्बोष्ड नम्बर प्लेटको व्यवस्था गरिएको छ । सरकारले सवारी साधन तथा यातायात नियमावली संशोधन गरी सवारी साधनमा अत्याधुनिक इम्बोष्ड नम्बर राख्ने निर्णय गरेको थियो ।