काठमाडौं, १७ कात्तिक । मन्त्रिपरिषदको बैठकले सातै प्रदेशका प्रदेश प्रमुखहरुलाई पद मुक्त गरेको छ ।
आज प्रधानमन्त्री कार्यालय बालुवाटारमा बसेको वैठकले उनिहरुलाई पद मुक्त गर्ने निणर्य गरेको हो ।

मन्त्रिपरिषद्काे सिफारिसमा राष्ट्रपति विद्यादेवी भण्डारीले पदमुक्त गर्नु भएकाे हाे । संविधानकाे धारा १६५ काे उपधारा १ (ख) बमाेजिम प्रदेश प्रमुखहरुलाई पदमुक्त गरिएकाे हाे ।

प्रदेश १ का प्रमुख प्राडा. गोबिन्द्रबहादुर तुम्वाहाङ, दुईका रत्नेश्वर लाल –कायस्थ), तीनका अनुराधा कोइराला, गण्डकीका बाबुराजा कुँवर, पाँचका उमाकान्त् झा, कर्णालीका दुर्गा केशर खनाल र सुदुरपश्चिमका मोहनराज मल्ल आजैबाट पदमुक्त हुनुभएको छ ।

सात वटै प्रदेश प्रमुखलाई तात्कालिन कांग्रेस सभापति शेरबहादुर देउवा नेतृत्वको सरकारले सत्ता छाडने बेला नियुक्त गरेको थियो । आजै नयाँ प्रदेश प्रमुख चयन गरिने बालुवाटार स्रोतले जानकारी दिएको छ ।