काठमाडौं, १९ कात्तिक । सोमबार राति दाङको कुलमोरमा सांसद शान्ता चौधरी चढ्ने बा २ झ २८७१ नम्बरको स्कारपियो गाडी दुर्घटनामा परेको छ ।
प्रतिनिधिसभाकी सांसद शान्ता चौधरीलाई घोराही उपमहानगरपालिका –४ डाडागाउँ बसन्तपुरमा रहेको घरमा पुर्याएर फर्कने क्रममा यो दुर्घटना भएको प्रहरीले जनाएको छ ।घोरहीबाट लमहीतर्फ जाँदै गरेको गाडी लमही नगरपालिका–६ पुलमोरको घुम्तीमा दुर्घटनामा परेको जिल्ला प्रहरी कार्यालय दाङले जनाएको छ । गाडीमा चालक मात्र रहेका थिए । चालक सकुशल रहेको प्रहरीले जनाएको छ ।उहाँले सडकमा एक्कासी जरायो आएको र त्यसलाई जोगाउन खोज्दा गाडी अनियन्त्रित भएर खोलामा खसेको बताउनु भएको छ।
प्रतिक्रिया दिनुहोस्