बीरगंज,२१ कात्तिक । चाडपर्व सकेर बीरगंजबाट काठमाडौ आउने यात्रुहरुसंग बढी भाडा लिने टाटा सुमो माथी पर्सा प्रहरीले कारवाही सुरु गरेको छ । सरकारले तोकेको भन्दा बढी भाडा लिने टाटा सुमोहरुलाई नियन्त्रणमा लिएर कारवाही सुरु गरेको हो ।

दशै तिहार र छठ पर्व सकिए लगतै आफनो कामका लागी काठमाडौ जाने यात्रुहरु संग बीरगंज–काठमाण्डौ रुटमा चल्ने टाटा सुमो भाडाका गाडीले सरकारले तोकेको मापदण्ड भन्दा दोब्बर बढी भाडा लिंदैआएका थिए । बढी भाडाको गुनासो बढ्न थालेपछि जिल्ला ट्राफिक कार्यालय पर्सा र जिल्ला प्रहरी कार्यालय पर्साले गाडीलाई धमाधम नियन्त्रणमा लिंदै कारवाही गर्न थालेका छन् । टाटा सुमोले बसपार्क क्षेत्रमा ग्यारेजहरुमा गाडी लुकाएर राखी गाडी नै छैन भन्दै टिकट काट्ने, काउन्टरमा जाने यात्रुलाई गाडी छैन भन्दै १ हजार रुपैयादेखि १५ सय रुपैया असुल्ने गरेका थिए । बीरगन्जबाट काठमाडौं जानका लागी टाटासुमोको अभाव भएपछि मंगलबार बिहानैदेखि यात्रुहरु वीरगन्ज बसपार्कमा बिचल्लीमा परेका थिए ।

टाटा सुमोले टिकट मिलाईदिने र कसैलाई नभन्ने सर्तमा टिकटमा ५५० रुपैया लेखि एकहजारदेखि १५ सय रुपैयासम्म लिईरहेका छन् । बढी भाडा असुल्नेमा काठमाडौं जाने विभिन्न ट्राभल्सका टाटा सुमो र बस रहेको एक जना यात्रुले बताएका छन् । टाटा सुमोले यात्रु ठग्न थालेपछि ट्राफिक प्रहरीले कारावाही सुरु गरेको हो । बढी भाडा लिने करिव १ दर्जन भन्दा बढी भाडाका सवारी साधनहरुलाई नियन्त्रणमा लिई कावाही गरेको ट्राफिक प्रहरी पर्साले जनाएको छ ।

अहिले बीरगंजबाट काठमाण्डौ चल्ने टाटा सुमो र रात्री सेवा बस काउन्टरहरुमा सरकारले तोकेको भन्दा बढी भाडा असुल्नेहरु माथी कडा निगरानी राखेपनि बिचौलियाहरुले भने यात्रुहरु संग बढी भाडा असुल्न छाडेका छैनन । ट्राफिक प्रहरीले निरन्तर कारवाही गरे मात्र
यात्रु ठग्ने प्रवृत्ति रोकिन सक्छ ।