काठमाडौं, २६ कात्तिक । अफगानिस्तानसंगको एकदिवसीय क्रिकेट सिरिजको शृंखला वेष्ट इन्डिजले क्लिन स्विप गरेको छ ।

गएराति भएको अन्तिम तथा तेस्रो खेलमा अफगानिस्तानलाई पांच विकेटले पराजित गर्दै वेष्ट इन्डिजले सिरिज ३–० ले जितेको हो । २ सय ५० रनको चुनौती पछ्याउ“दै ब्याटिङ गरेको वेष्ट इडिजले ४८ दशमलव ४ ओभरमा पा“च विकेटको क्षतिमा लक्ष्य भेटायो । वेष्ट इन्डिजका लागि साइ होपले अविजित १ सय ९ रन बनाए । त्यस्तै, रोस्टन चेसीले अविजित ४२ रन बनाउ“दा ब्रान्डन किङले ३९ रनको बनाए । बलिङतर्फ अफगानिस्तानका मुजिब उर रहमानले दुई विकेट लिए ।

यसअघि टस हारेर पहिले ब्याटिङ गरेको अफगानिस्तानले निर्धारित ५० ओभरमा सात विकेटको क्षतिमा २ सय ४९ रन बनायो । अफगानिस्तानका लागि अस्घर अफगानले ८६ तथा हजरतउल्लाह जाजई र मोहमद नाबीले समान ५०–५० रन बनाएका थिए । वेष्ट इन्डिजका किमो पाउलले तीन विकेट लिए ।