काठमाडौं, २७ कात्तिक । चारदिने सद्भावना भ्रमणका लागि नेपाल आएका बंगलादेशका राष्ट्रपति मोहम्मद अब्दुल हमिद बुधबार उच्चस्तरीय भेटवार्तामा व्यस्त हुनुभएको छ । उहाँले आज बुधबार अपराह्न समकक्षी विद्यादेवी भण्डारीसँग भेटवार्ता हुदैछ । अपराह्न चार बजे शितल निवासमा हुने शिष्टाचार भेटमा आपसी हितका विषयमा छलफल हुने परराष्ट्र मन्त्रालयले जनाएको छ ।

यस्तो छ भेटवार्ताको तयारी
त्यसअघि बुधबार बिहान १०ः५० बजे राष्ट्रियसभाका अध्यक्ष गणेशप्रसाद तिमल्सिना, ११ः१० बजे नेकपा अध्यक्ष प्रचण्डले र २ बजे नेपाली कांग्रेसका सभापति शेरबहादुर देउवाले राष्ट्रपति हमिदलाई उनी बसेकै होटल म्यारियटमा पुगेर भेटवार्ता गर्ने कार्य तालिका रहेको छ ।
आजै दिउँसो २ः४० बजे प्रधानमन्त्री केपी शर्मा ओलीले र सवा ३ बजे उपराष्ट्रपति नन्दबहादुर पुन ‘पासाङ’ले राष्ट्रपति हमिदसँग भेटवार्ता गर्ने समय निर्धारण गरिएको छ ।

भेटवार्तापछि राष्ट्रपति हमिदको सम्मानमा आयोजित रात्रिभोजमा सरिक हुनुहुने छ । हमिदको सम्मानमा राष्ट्रपति भण्डारीले दरबारमार्गस्थित होटल याक एण्ड यतीमा साँझ साढे ६ बजे रात्रिभोज आयोजना गर्नुभएको छ ।

यसैवीच राष्ट्रपति हमिद भोली बिहीबार हेलिकप्टरबाट पोखरा जाने कार्यक्रम छ । काठमाडौंबाट १ बजे पोखरा प्रस्थान गर्ने हमिद सोही दिन साढे चार बजे काठमाडौं फर्किने कार्यक्रम छ ।

दिउँसो १ बजे पाटन दरबार स्क्वायर अवलोकन गर्नुहुने छ भने उहाँ । त्यसपछि शुक्रबारै करिब पाँच बजे स्वदेश फर्किने कार्यक्रम छ । राष्ट्रपति हमिद चारदिने नेपाल भ्रमणका लागि मंगलबार दिउँसो ढाकाबाट काठमाडौं आउनुभएको हो ।  उहालाई त्रिभुवन अन्तर्राष्ट्रिय विमानस्थलमा स्वागत गर्न राष्ट्रपति भण्डारी आफैं पुगेकी पुग्नुृभएको थियो ।