काठमाडौं,२७ कात्तिक। काठमाडौंको नागार्जुन नगरपालिका ३ हलचोकको एक घरमा जुवातास खेलिरहेका १० जनालाई प्रहरीले पक्राउ गरेको छ ।
हलचोकमा हरिमाया पुतुवारको घरमा कौडा खेलिरहेका अवस्थामा उनीहरुलाई महानगरीय प्रहरी वृत्त स्वयम्भूको टोलीले पक्राउ गरेको हो ।पक्राउ पर्नेमा काभ्रे पाँचखालका बालकुमार पन्त, सीतापाइलाका सचित दुलाल, हलचोकका महेश गोतामे, नुवाकोटमा दिनेश लामा, सीतापाइलाका राजकुमार तामाङ रहेका छन् ।
त्यसैगरी हलचोकका सुक्रबहादुर पुतुवार र राजु बस्नेत सुशन्त लामा, सीतापाइलाकै वुद्धिबहादुर तामाङ पनि पक्राउ परेका छन् । उनीहरुको साथबाट १६ थान कौडा र ३ लाख ६० हजार रुपैयाँ बरामद भएको महानगरीय प्रहरी परिसरका प्रवक्ता होविन्द्र बोगटीले जनाकारी दिनुभयो
प्रतिक्रिया दिनुहोस्