संखुवासभा, २७ कात्तिक । आउँदो मंसिर १४ गते हुने उपनिर्वाचनका लागी संखुवासभा जिल्लामा सात वटा राजनैतिक दलले मनोनयन दर्ता गराएका छन् ।

जिल्लामा ठूला राजनैतिक दल नेपाल कम्प्यूनिष्ट पार्टी (नेकपा) र नेपाली काँग्रेस त्यस बाहेकका साना पाँच वटा राजनैतिक दल गरि सात वटा दलले मनोनयन दर्ता गराएका हुन् । बुधबार सदरमुकाम खाँदबारीमा मुख्य निर्वाचन अधिकृतको कार्यालयमा खाँदबारी नगरपालिका वडा नं.–३ बाट नेपाली काँग्रेसका उम्मेदवार बिक्रम गुरुङले ११ बजे नै उम्मेदवारी दर्ता गराउनु भएको थियो ।

त्यसपछि नेपाल कम्प्यूनिष्ट पार्टी (नेकपा) उम्मेदवार भरतकुमार घिमिरेले करिब १२ः३० बजेको समयमा उम्मेदवारी दर्ता गराएको छ । खाँदबारी–३ मा नेकपा र काँग्रेसले मात्रै उम्मेदवारी दर्ता गराएकाले ति दुई दलको मात्रै प्रतिस्पर्धा हुने देखिएको छ ।

त्यसैगरि मकालु गाउँपालिकाको अध्यक्ष पदमा ठूला दलहरु नेपाली काँग्रेसबाट बिमान पराजुली र नेपाल कम्प्यूनिष्ट पार्टी (नेकपा)को तर्फबाट तेजबहादुर पोख्रेलले उम्मेदवारी दर्ता गराउनु भएको छ । त्यसबाहेक साना दलहरु संघीय समाजबादी फोरमबाट नुर्ब शेर्पा, राष्ट्रिय प्रजातन्त्र पार्टी संयुक्त (हलो चिन्ह) बाट मानबहादुर बिश्वकर्मा, राष्टिय जनमुक्ति पार्टी रमेश राई, राप्रपा (गाई) बाट मेघनाथ राई र संघीय लोकतान्त्रिक मञ्चबाट कविता राईले उम्मेदवारी दर्ता गराएका हुन् ।

खाँदबारी नगरपालिका वडा नं. ३ का उम्मेदवारले खाँदबारीमा नै मुख्य निर्वाचन अधिकृतको कार्यालयमा मनोनयन दर्ता गराएका छन् भने मकालु गाउँपालिकाका उम्मेदवारले मकालु गाउँपालिकाको नै निर्वाचन अधिकृतको कार्यालयका मनोनयन दर्ता गराएका हुन् । मनोनयन दर्ता गराउन उम्मेदवारहरु पार्टी कार्यकर्ता र झण्डा ¥याली सहित निर्वाचन अधिकृतको कार्यालयमा पुगेका थिए । उम्मेदवारको मनोनयन दर्ता पछि पनि पार्टी कार्यकर्ता सहित झण्डा र ¥याली सहित बजार परिक्रमा गरेका थिए ।

निर्वाचन आयोगले उपनिर्वाचनका लागी बिहान १० बजेदेखि दिउँसो १ बजेसम्म मुख्य र निर्वाचन अधिकृतको कार्यालयमा उम्मेदवारको मनोनयनपत्र दर्ता गर्ने समयसिमा तोकेको थियो । संखुवासभाको खाँदबारी नगरपालिका वडा नम्बर ३ का वडाध्यक्ष तोयानाथ ढुङगाना र मकालु गाउँपालिका अध्यक्ष खडगबहादुर कटवालको असामहिक मृत्यूपछि उक्त दुई वटा स्थान रिक्त भएको हो ।