काठमाडौं, ४ मंसिर । राष्ट्रपति कार्यालयले नयाँ मन्त्रीहरूको सपथग्रहणको तयारी पूरा गरेको छ । स्रोतका अनुसार नयाँ मन्त्रीहरूको सपथ ग्रहण जतिबेला पनि हुन सक्ने भन्दै बिहानैदेखि तयारी शुरू भएको हो ।
यतिबेला भन्ने ठ्याक्कै छैन,’ राष्ट्रपति कार्यालयका एक कर्मचारीले भने, ‘हामीलाई तयारी अवस्थामा बस्ने निर्देशन दिइएको छ । त्यही अनुसार हामी तयार भएर बसेका छौं ।’
स्रोतका अनुसार सत्तारूढ दल नेपाल कम्युनिस्ट पार्टी ९नेकपा०को सचिवालय बैठकपछि मन्त्रिपरिषद पुनर्गठनको काम गर्ने तयारीमा प्रधानमन्त्री केपी शर्मा ओली गर्नुभएको छ । बुधवार बिहान प्रधानमन्त्री ओली र अध्यक्ष पुष्पकमल दाहाल ‘प्रचण्ड’ दुवैले संयुक्त रूपमा राष्ट्रपति विद्यादेवी भण्डारीलाई भेट्नु भएको थियो ।
भेटमा हट्ने र नयाँ आउने मन्त्रीहरूको नामावली राष्ट्रपतिलाई सुनाइएको थियो ।
प्रतिक्रिया दिनुहोस्