काठमाडौं, ५ मंसिर । प्रधानमन्त्री केपी शर्मा ओलीले मन्त्रीहरुलाई विशेष निर्देशन दिनु भएको छ । बिहिबार सिंहदरबारमा साँझ ५ः३० बजे प्रधानमन्त्री ओलीले पत्रकार सम्मेलन गरी विशेष निर्देशन दिनुहुने भएको छ ।

प्रधानमन्त्री ओलीले बुधबार मन्त्रिपरिषद पुनगर्ठन गर्नुभएको छ । प्रधानमन्त्रीको सिफारिसमा राष्ट्रपति विद्यादेवी भण्डारीले बुधबार ६ जना मन्त्री र ३ जना राज्यमन्त्रीलाई नियुक्ति गरेकी गर्नुभएको थियो ।

रामेश्वर राय यादवले श्रममन्त्री, पार्वत गुरुङले महिला बालबालिका तथा समाजकल्याण, लेखराज भट्ट उद्योग, हृदयश त्रिपाठी संघीय मामिला तथा सामान्य प्रशासन, घनश्याम भुसाल कृषि तथा पशुपन्छी विकास, बसन्त कुमार नेम्वाङ भौतिक पूर्वाधार तथा यातायातले सपथ लिएका हुन्।
मोतिलाल दुगडले उद्योग वाणिज्य तथा आपूर्ति राज्यमन्त्री, नवराज रावतले स्वास्थ्य तथा जनसंख्या राज्यमन्त्री र रामवीर मानन्धरले सहरी विकास राज्यमन्त्रीको सपथ लिएका हुन्।